დღევანდელი დღიდან რუსეთმა უკრაინიდან ყველანაირი სახის რძის პროდუქტის შეტანაზე აკრძალვა დააწესა და ეს იმით ახსნა, რომ უკრაინელი მეწარმეების მხრიდან დარღვეულია სანიტარულ-ვეტერნარული ნორმები.
„28 ივლისიდან შემოღებული აკრძალვები ასევე ვრცელდება ე.წ. რძისა და რძისშემცველ პროსუქციაზე, რომელიც მცენარეული ნედლეულიდან მზადდება რძის დამატებით",_ განაცხადა „როსსელხოზნადზოირის" ხელმძღვანელმა სერგეი დანკვერტმა.
ის მიიჩნევს, რომ უკრაინელი მეწარმეები ვერ აკონტროლებენ სიტუაციას ანტიბიოტიკებისა და სხვა საშიში ნივთიერებების გამოყენებასთან დაკავშირებით. დანკვერტი მიიჩნევს, რომ მათი შემადგენლობა ზოგიერთ პროდუქციაში ნორმას ათგზის აჭარბებს.
კიევი მოსკოვის გადაწყვეტილებას, რომელმაც ამ ბოლო ერთი თვის განმავლობაში უკრაინაში წარმოებულ მცენარეულ პროდუქციაზე და ღორის ხორცზე აკრძალვა შემოიღო კატეგორიულად არ ეთანხმება.