აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილემ ნონა გალოგრემ და სოციალური დაცვის დეპარტამენტის უფროსმა ლელა სურმანიძემ ჯანმრთელობის ცენტრ „მედინაში" ტყუპის დედა და ახალშობილები მოინახულეს.
4 ტყუპი ჯანმრთელობის ცენტრ „მედინაში" 7 ივლისს გაჩდნენ, ერთი მათგანი გუშინ გარდაიცვალა. ექიმების განმარტებით, ბავშვის გარდაცვალება დღენაკლულობამ გამოიწვია. ამ ეტპისათვის დედის და სხვა ახალშობილების ჯანმრთელობის მდგომარეობა დამაკმაყოფილებელია
სამინისტრო „ახალშობილი ტყუპების ოჯახების ერთჯერადი მატერიალური დახმარების" პროგრამის ფარგლებში ოტოლაძეებს 4 000 ლარს გადასცემს. პროგრამა წელს პირველად ამოქმედაა, რომლის მიხედვით ერთჯერადი მატერიალური დახმარება იმ ოჯახებზე გაიცემა, სადაც დაიბადება ტყუპი - 2 ბავშვი 2000 ლარი, 3 ბავშვი 3 000 ლარი, 4 ბავშვი 4 000 ლარი (ტყუპისცალზე 1 000 ლარი) და ა.შ.
აღნიშნული პროგრამის ფარგლებში თანხა უკვე მიიღო 39 ოჯახმა, თითოეულ ოჯახში 2 ტყუპი გაჩნდა. „ახალშობილი ტყუპების ოჯახების ერთჯერადი მატერიალური დახმარების" პროგრამის ბიუჯეტი 250 000 ლარს შეადგენს.