მთავრობამ ,,საერთო სასამართლოების შესახებ" საქართველოს ორგანულ კანონში და ,,საქართველოს სისხლის სამართლის კოდექსში" შესატანი ცვლილებების შესახებ კანონპროექტი დაამტკიცა. როგორც მთავრობის სხდომისა დასრულების შემდეგ ჟურნალისტებთან იუსტიციის მინისტრმა თეა წულუკიანმა განაცხადა აღნიშნული კანონპროექტი, პირველ რიგში, შეეხება სამწლიანი გამოსაცდელი ვადით დანიშნულ ახალ მოსამართლეებს.
,,მთავრობის სხდომაზე დავამტკიცეთ საკანონმდებლო ინიციატივა, რომელიც არის მართლმსაჯულების რეფორმის ერთ-ერთი მორიგი საკითხი და ეხება მოსამართლეების შეფასების სისტემის დანერგვას ქართულ მართლმსაჯულებაში. ეს პირველ რიგში, შეეხება იმ მოსამართლეებს რომლებიც ახლად დანიშნულები არიან. ჩვენ შემოგვაქვს სისტემა, რომლის თანახმად ასეთი მოსამართლეები შეფასდებიან სამწლიანი გამოსაცდელი ვადის განმავლობაში, ყოველ წელს ორი შემფასებლის მიერ. მთლიანობაში სამი წლის განმავლობაში ექვსი შეფასება და დასკვნა დაიდება და ამ ექსი დასკვნის საფუძველზე იუსტიციის უმაღლესი საბჭოს წევრი მოსამართლეების უმრვლესობის ხმების მიხედვით გადაწყვეტს არის თუ არა ეს თუ ის ახლად გამოსაცდელი ვადით დანიშნული მოსამართლე მოსამართლის მანტიის ღირსი", _განაცხადა წულუკიანმა.
მისივე განცხადებით, მოსამართლეების შეფასება მოხდება როგორც პროფესიული, ასევე პიროვნული კრიტერიუმებით, რათა მართლმსაჯულების სისტემაში გამოირიცხოს ისეთი მოსამართლების დანიშვნა რომლებიც არიან კორუმპირებული, ან არ იციან როგორ მოიქცნენ სასამარტლო დარბაზში.
,,სამწლიანი გამოსაცდელი ვადა იქნება ყველა ახლად დანიშნული მოსამართლისთვის და ასეთი ჩვენ გვყავს 12, ეს იქნება ძალიან მკაცრი ფილტრი იმისთვის, რომ არც ერთი ახლად დანიშნული მოსამართლე არ გახდეს მუდმივად დანიშნული ისე რომ არ იცოდეს საქმის კეთება, არ იყოს დამოუკიდებელი, არ იყოს მიუკერძოებელი და არ იმსახურებდეს მოსამართლის მანტიას", _განაცხადა წულუკიანმა.
