რუსთავის 79-ე საუბნო საარჩევნო კომისიის მიმდებარე ტერიტორიაზე ფიზიკური დაპირისპირება მოხდა. ერთმანეთს საარჩევნო უბანთან შეკრებილი ,,ქართული ოცნების" აქტივისტები და "თავისუფალი ზონის" ოპერატორი და ჟურნალისტი დაუპირისპირდნენ. როგორც ,,თავისუფალი ზონის" ჟურნალისტი აცხადებს, მას გადაღების საშუალება არ მისცეს.
მისივე განმარტებით, ,,ქართული ოცნების" აქტივისტები აგიტაციას აწარმოებდნენ და საარჩევნო პროცედურებს არღვევდნენ.
ვითარება სამართალდამცავების ჩარევის შემდეგ განიმუხტა.
