სურსათის უვნებლობის, ვეტერინარიისა და მცენარეთა დაცვის ეროვნული სამსახურის უფროსმა მაია მეტრეველმა საგანგებო განცხადება გააკეთა. მისი განცხადებით, ეროვნულმა სამსახურმა რძის ადგილობრივი მწარმოებელი 6 სხვადასხვა კომპანიის პროდუქტი შეამოწმა. აქედან მხოლოდ 2 აკმაყოფილებს ეტიკეტირებისა და მომხმარებელთა უფლებების დაცვის შესახებ კანონის მოთხოვნებს.
2010 წლის 1-ლი იანვრიდან კანონი მეწარმეებს ავალდებულებდა, რძის პროდუქციაზე მითითებული ყოფილიყო, ნატურალური რძისგან იყო დამზადებული ესა თუ ის პროდუქცია თუ ფხვნილისგან.
ლაბორატორიულმა კვლევამ აჩვენა, რომ მხოლოდ ორი კომპანიის - "ქობულეთური" და "ვიმბილდანი" პროდუქტები პასუხობენ კანონის ამ მოთხოვნას.
მეტრეველის განცხადებით, ყველა დარღვევაზე ამოქმედდება კანონით გათვალისწინებული სანქციები.
