საქართველოს საკონსტიტუციო სასამართლოს თავმჯოდმარემ პოლონეთის დელეგაციას უმასპინძლა. როგორც ,,ჯი-ეიჩ-ენს" საკონსტიტუციო სასამართლოდან აცნობეს დელეგაციის შემადგენლობაში პოლონეთის სენატის მარშალი ბოგდან ბორისევიჩი, ელჩი ანდრეი ცისკოვსკი, ეკონომიკის, არქიტექტურისა და კულტურის სფეროს წარმომადგენლები შედიოდნენ. გაცნობითი ხასიათის ვიზიტისას პოლონელი სტუმრები სასამართლოში გატარებულ რეფორმებსა და მუშაობის სისტემას გაეცნენ.
მხარეებმა აგრეთვე ისაუბრეს საკუთარ გამოცდილებასა და სამომავლო თანამშრომლობის გეგმებზე. საქართველოს საკონსტიტუციო სასამართლოს თავმჯდომარემ შეხვედრისას ყურადღება ხელისუფლების განაწილების ქართული და პოლონური მოდელის მსგავსებაზე გაამახვილა და ის გზა გაიხსენა, რომელიც ორივე ქვეყნის კონსტიტუციამ ამ მიმართულებით გაიარა.
საქართველოს საკონსტიტუციო სასამართლო პოლონურ მხარესთან თანამშრომლობის გაგრძელებას მომავალშიც გეგმავს. დელეგაცია ბათუმში საერთაშორისო კონფერენციის „საქართველოს ევროპული გზის" ფარგლებში იმყოფება.
