გერმანიაში გარდაცვლილი საქართველოს მოქალაქის, დავით მარდიანის ცხედრის საქართველოში გადმოსვენების ხარჯებს საქართველოს მთავრობა აღარ დაფარავს.
როგორც "ჯი-ეიჩ-ენს" საქართველოს საგარეო უწყებაში განუცხადეს, ქვეყნის მთავრობამ შესაბამისი თანხა გამოყო, თუმცა მისი გადარიცხვა არ განხორციელებულა, მარდიანის გერმანიიდან საქართველოში გადმოსვენების ხარჯების დაფარვის სურვილი თავად გერმანულმა მხარემ გამოთქვა.
"გერმანულმა მხარემ, კერძოდ, ქალაქ ჰამბურგის ადმინისტრაციამ გამოთქვა მზადყოფნა, რომ თავად გაიღებს დავით მარდიანის გერმანიიდან საქართველოში გადმოსვენების ხარჯებს", - აცხადებენ საგარეოში.
გადმოსვენების პროცედურები მომავალი კვირის განმავლობაში უნდა დასრულდეს.
მასალის გამოყენების პირობები