შსს სასაზღვრო პოლიციის სანაპირო დაცვის დეპარტამენტის და საგამოძიებო-ოპერატიული მთავარი სამმართველოს დასავლეთის ოპერატიული განყოფილების თანამშრომლებმა, ერთობლივად ჩატარებული ღონისძიებების შედეგად, ფოთის საზღვაო რაიონში, ნაოსნობის წესების (ფოთის პორტის განსაკუთრებული სიფრთხილის რაიონში მოძრაობის გამყოფ აღმოსავლეთ ზონაში არ მოძრაობდა მარჯვენა მხარეს და გადაკვეთა მოძრაობის გამყოფ აღმოსავლეთის ზონა) დარღვევის ფაქტზე, მოლდავეთის დროშით მცურავი გემი "LAURUS" დააკავეს.
აღნიშნული გემის კაპიტნის, რუსეთის ფედერაციის მოქალაქის, მიმართ დაიწყო ადმინისტრაციული საქმისწარმოება საქართველოს ადმინისტრაციულ სამართალდარღვევათა კოდექსის 114-ე (პრიმა ერთი) მუხლის I ნაწილით და ბიუჯეტის სასარგებლოდ დაეკისრა ჯარიმა 50 000 (ორმოცდაათი ათასი) ლარის ოდენობით, რომელიც მის მიერ იქნა უზრუნველყოფილი. გემს თავისუფალი ნაოსნობის უფლება მიეცა.
მასალის გამოყენების პირობები
