თბილისის ყოფილი მერი გიგი უგულავა, იურისტებს, არასამთავრობო სექტორის წარმომადგენლებს მოუწოდებს შეისწავლონ პარასკევს სასამართლოში პროკურორების მიერ, შეტანილი შუამდგომლობების რიგითობა.
ამის შესახებ, ნათქვამია უგულავას მიერ გავრცელებულ განცახდებაში, რომლესაც ,,ჯი-ეიჩ-ენი" უცვლელად გთავაზობთ: ,,მე მინდა არასამთავრობო ორგანიზაციებს, იურისტებს და ყველა დაინტერესებულ პირს ვთხოვო, რომ შეისწავლონ პარასკევს საღამოს თბილისის საქალაქო სასამართლოში პროკურორების მიერ, შეტანილი შუამდგომლობების რიგითობა და შესაბამისად შეუიარაღებელი თვალით ჩანს, რომ პროკურატურამ წინასწარ იცოდა, როგორ გაეკეთებინა ისე, რომ ჩემთან დაკავშირებით შუამდგომლობა გიორგი გოგინაშვილს დაწეროდა. ეს რა თქმა უნდა სასამართლოში ყველამ იცის და თუმცა ბუნებრივია ამაზე საუბარს არავინ არავის არ სთხოვს, მარგამ თუ კარგად შევისწავლით დავინახავთ, რომ ეს ასე ვთქვათ განაწილება ხელოვნურად არის ინსპირირებული პროკურატურის მიერ. გიორგი გოგინაშილს ამ საქმეზე ნამსჯელი ჰქონდა უკვე და მას ამ საქმეზე ჩემი ქვისლისთვის შეფარდებული აქვს წინასწარი პატიმრობა. გამოვიდა, რომ ერთმა მოსამართლემ მთელი ოჯახი გაგვიშვა ციხეში. ისე, რომ რვა ბავშვი დატოვა საერთოდ მეურვეობის გარეშე. მაგრამ მე მინდა, ასევე ვთქვა, რომ ეს არის სწორედ ის, რასაც მართმსაჯულების ზეიმს უწოდებს დღვენდელი პრემიერ-მინისტრი ღარიბაშვილი. ყოველივე ამას არაფერი არ აქვს საერთო, ვიმეორებ კანონის უზენაესობასთან. დღეს ჩვენ ქვეყანაში სამწუხაროდ მკვიდრდება კანონის უზენაესობის სუროგატი „სამართლიანობის აღდგენის" სახით", _ აცხადებს უგულავაა, რომელიც არჩევნების მეორე ტურის დანიშვნის თარიღსაც ეხმიანება.
,,ასევე მინდა ავღნიშნო ერთი რამ, ცენტრალურ საარჩევნო კომისიას სრულიად უკანონოდ გადაუწყვეტავს და 12 ივლისს დაუნიშნავს მეორე ტური. ეს არის ყველა კანონის დაღვევით და აქაც ცენტრალურმა საარჩევნო კომისიამ ამ ხელისუფლებას გაუგორა კოჭი. იმიტომ, რომ რაც მალე და რაც სწრაფად მისთვის უკეთესია. მე მინდა ყველა თბილისელს თბილისში ვთხოვო, რომ ყველაზე მტკიცე პასუხი ამ ხელისუფლების აღვირახსნილობაზე იქნება აქტიურობა, მოსვლა არჩევნებზე და ოპოზიციის მხარდაჭერა: თბილისელებს თბილისში, თერჯოლელებს თერჯოლაში, ხონელებს ხონში, თელაველებს თელავში, ყვარელელებს ყვარელში, ბათუმელებს ბათუმში, ქობულეთელებს ქობულეთში და თუნდაც ყველა იმ რაიონში, სადაც ოპოზიციას სხვადასხვა პოზიცია უკავია. ეს იქნება ერთადერთი სწორი პასუხი იმ თავხედობაზე და აღვირახსნილობაზე, რომელიც ჩვენს ქვეყანაში ხდება. იაქტიურეთ მეგობრებო! ვერანაირი სასამართლო პროცესებით, ვერანაირი დადგმული სპექტაკლებით ჩვენ ვერ გავაჩერებენ! ჩვენი საქმე არის მართალი და ჩვენ ამ ბრძოლას ბოლომდე მივიყვანთ!საქართველოს შავი ჭირი უდგას ივანიშვილის სახით. დღეს არის ჟამიანობა საქართველოში. მაგრამ ეს ჟამიანობა გადაივლის, როგორც ძალიან ბევრ უბედურებას გადაუვლია ამ ქვეყნისთვის.დიდი მადლობა მხარდაჭერისთვის. გუშინ შევიტყვე, რომ პროცესის მერე 9 ადამიანი დაუპატიმრებიათ არეულობის ბრლადებით. მე მინდა მათ განსაკუთრებული მადლობა ვუთხრა და ვთხოვო, რომ მოერიდონ და თავს ნუ ჩაიგდებენ უხერხულობაში, იმიტომ, რომ ეს ხელისუფლება ყველაფერზე წამსვლელია! დიდი მადლობა მე მეტი სათქმელი არ მაქვს!", -აცახდებს უგულავა.