26 ივნისს სახალხო დამცველმა ევროპის საბჭოში 2013 წლის ადამიანის უფლებათა და თავისუფლებათა მდგომარეობის შესახებ ანგარიშის პრეზენტაცია გამართა.
ევროსაბჭოს წარმომადგენლებისა და საპარლამენტო ასამბლეის წევრებისთვის გამართულ შეხვედრაზე განსაკუთრებული ყურადღება გამახვილდა ანტიდისკრიმინაციულ კანონზე, პენიტენციურ სისტემასა და კონფლიქტით დაზარალებულ პირთა მდგომარეობის შესახებ.
სახალხ დამცველის აპარატის ინფორმაციით, შეხვედრა კითხვა-პასუხის რეჟიმში წარიმართა. ევროპის საბჭოს წარმომადგენლებმა ანალოგიური შეხვედრებისთვის სისტემატიური ხასიათის მიცემის სურვილი გამოთქვეს, რათა მოხდეს მათი პერმანენტული ინფორმირება საქართველოში ადამიანის უფლებათა და თავისუფლებათა მდგომარეობის შესახებ.