კოალიცია „ქართული ოცნების" შტაბში, ვიცე-პრემიერმა, კახა კალაძემ ადგილობრივი თვითმმართველობის არჩევნების შემაჯამებელი პრესკონფერენცია გამართა. კახა კალაძის თქმით, ძალიან მნიშვნელოვანია ის ფაქტი, რომ საქართველოში აკრედიტირებულმა დიპლომატიურმა კორპუსმა, ჩატარებულ არჩევნებთან დაკავშირებით მაღალი შეფასება დააფიქსირა.
„არჩევნები დადებითად შეფასდა საერთაშორისო საზოგადოებისა და პარტნიორი ქვეყნების დიპლომატიური მისიების მიერ. ამერიკის შეერთებული შტატების, დიდი ბრიტანეთისა და ნიდერლანდების საელჩოების მიერ გავრცელებული საერთო განცხადების თანახმად, 15 ივნისის არჩევნები ასოცირების ხელშეკრულების ხელმოწერის წინ თვითმმართველობების გაძლიერებისკენ გადადგმული ისტორიული ნაბიჯია. ამ სეფასებას საქართველოსთვის დიდი მნიშვნელობა აქვს." - განაცხადა კახა კალაძემ.
