ადგილობრივი თვითმმართველობის არჩევნებზე ფინანსთა მინისტრმა საკუთარი არჩევანი გლდანის მეათე ოლქის # 32-ე საარჩევნო უბანზე დააფიქსირა. ნოდარ ხადური ხმის მისაცემად მეუღლესთან და შვილებთან ერთად მივიდა.
„ძალიან მნიშვნელოვანი დღეა. ჩვენ ვირჩევთ ადგილობრივ თვითმმართველობებს. პირველად ქვეყნის ისტორიაში ყველა მუნიციპალიტეტს და ქალაქს ეყოლება არჩეული ხელმძღვანელი. ღრმად ვარ დარწმუნებული, მეც და სრულიად საქართველომ სწორი არჩევანი გავაკეთეთ," - განაცხადა ფინანსთა მინისტრმა ნოდარ ხადურმა.
უბანი გაიხსნა ზუსტად 8 საათზე. საარჩევნო პროცედურა დღის 13 საათისთვის მიმდინარეობდა დარღვევების გარეშე. ამ პერიოდისთვის საკუთარი არჩევანი გაკეთებული ჰქონდა 200-ზე მეტ ამომრჩეველს.
