სულ მცირე 6 ადამიანი დაიღუპა გერმანიის დასავლეთ ნაწილში ძლიერი ქარის, მძლავრი ქარიშხლისა და გადაუღებელი წვიმების გამო. სტიქიის შედეგად აეროპორტებისა და საზოგადოებრივი ტრანსპორტის მუშაობა შეწყდა.
ქალაქ დიუსელდორფის პოლიციის განცხადებით, ორი მამაკაცი და ერთი ქალი სტიქიის შედეგად დაიღუპა. ხის შენობას, რომელსაც ისინი თავს აფარებდნენ ხე დაეცა.
კიოლნსა და კრეფელდში დაღუპულია ასევე ორი ველოსიპედისტი და კიდევ ერთი ადამიანი ქალაქ ესენში. არ მუშაობს არც რკინიგზის სადგურები. მეტეოროლოგების განცხადებით, ქარის სიმძლავრე საათში 150 კილომეტრს აღწევს.
ამჟამად ამინდი უკვე ჰანოვერსა და ბრემენში გაუარესდა.