ნატოს ძალების სარდლობამ ავღანეთში ნატოს ხუთი სამხედრო მოსამსახურის დაღუპვის შესახებ განცხადება გააკეთა. ინფორმაციას ამის შესახებ „ბი-ბი-სი" ავრცელებს.
აღსანიშნავია, რომ გავრცელებულ ინფორმაციაში არ არის საუბარი გარემოებებზე, რომელთა დროსაც სამხედროების დაღუპვა მოხდა.
ავღანეთის ხელისუფლება აცხადებს, რომ ნატოს სამხედროები თავად ნატოს ავიაციის დროს განხორციელებული დარტყმების შედეგად შემთხვევით დაიღუპნენ. მათივე ინფორმაციით, ინციდენტი მაშინ მოხდა, როდესაც სამხედროებს, რომლებიც ბაზაზე ბრუნდებოდნენ, მოულოდნელად ბოევიკები დაესხნენ თავს.
ალიანსის სარდლობა აცხადებს, რომ სამხედროების დაღუპვის გარემოებებს იკვლევს.