თავდაცვის მინისტრი ირაკლი ალასანია ნატოს გენერალური მდივნის განცხადებას ეხმიანება და აცხადებს, რომ მან სწორად შეაფასა ის საფრთხე, რაც რეგიონშია.
,,რასმუსენმა სწორად შეაფასა ის საფრთხე, რაც რეგიონშია. ბუნებრივია, ყველა ვთანხმდებით, რუსეთის გარდა, რომ მიმდინარე მოვლენები არის პირდაპირი ხელყოფა საერთაშორისო სამართლის, საერთაშორისო წესრიგის, რომელიც დადგენილი იყო. რუსეთის ფედერაცია სწორედ საერთაშორისო სამართლის პრინციპებს არღვევს. ჩვენი გზა არის ერთადერთი, გავხდეთ რაც შეიძლება სწრაფად კოლექტიური ორგანიზაციის, ნატო-ს წევრი და ამ კუთხით საქართველოს მთავრობა აკეთებს ყველაფერს, შესაძლებლობების მაქსიმუმს. მინდა გითხრათ, რომ ჩვენი ჯარი, პრაქტიკულად, ნატოსთან თავსებადია და ველოდებით რომ მომავალ სამიტზე ეს ადეკვატურად ასახული იქნება", - განაცხადა ალასანიამ.
შეგახსენებთ, რომ ანდერს ფოგ რასმუსენი არ გამორიცხავს, რომ რუსეთმა ზეწოლა განახორციელოს საქართველოსა და მოლდოვაზე.
