ეკონოკიკური განვითარების ცენტრის თავმჯდომარემ, რომან გოცირიძემ სოციალ ქსელში საკმაოდ თამამი განცხადება გააკეთა, რომელსაც დელიკატურად უვლიან ხოლმე გვერდს საქართველოში. რატომ დარჩა საპირფარეშოების მდგომარეობა ქვეყანაში საბჭოურ არქაულ დონეზე და ხომ არ არის ეს ჩვენი დაბალი ყოფითი კულტურის მაჩვენებელი?
"წინასაარჩევნოდ უყვართ ციფრებში გამოხატული დაპირებების დემონსტრირება: 100 საწარმოს პროგრამა, 100 საავადმყოფოს პროგრამა, 1.000 000 ხის პროგარამა. არავის მოსვლია სურვილი დაპირდეს მილიონი ტუალეტის პროგრამის შესახებ. რაღაც არასოლიდურად ჟღერს ალბათ და იმიტომ? ქვეყნის მოსახლეობის ნახევარზე მეტი სოფლად და ქალაქად კანალიზაციის გარეშე ცხოვრობს. არა და, ტურისტული ქვეყანა კი გვინდაგავხდეთ-ჩეჩმით!
თუ ახლა არ ვიტყვით, მაშინ როდის უნდა ვთქვათ? ახლა ხომ ადგილობრივი არჩევნებია!", - წერს რომან გოცირიძე ფეისბუკის საკუთარ გვერდზე.
ამასთან დაკავშირებით კომენტარი ვთხოვეთ მას.
ბატონო რომან, გადის წლები, მდგომარეობა კი ძალზე ნელა იცვლება სანიტარული და ჰიგიენური მდგომარეობისთვ ალსაზრისით.
-მართალია.წყალმომარაგება და განსაკუთრებით კანალიზაცი ქვეყანაში სავალალო მდგომარეობაშია. მოსახლეობის ნახევარზე მეტს ( სოფლებში და პატარა ქალაქებში) 21 საიკუნის დასაწყისშიაც არ შეუძლიათ ამ სიკეთით სარგებლობა. რამდენიმე პატარა ქალაქში (მაგ. ონში) პირველდ შევიდა კანალიზაცია ამ ორი წლის წინათ, ისევე როგორც სხვა რამდენიმე ქალაქში, ძირითადა საკურორტო ზონაში. ამჟამად მიმდინარეობს კომუნალური სისტემის განახლება 6 საშულო ზომის ქალაქში: მარნეულში, ქუთაისში, ფოთში, ზუგდიდში, ანაკლიასა და მესტიაში. აქ უნდა გაუმჯობესდე წყალმომარაგება, კანალიზაცია და სანიტარული მომსახურება. ეს რა თქმა უნდა, არ არის საკმარისი. ადგილობრივი და არა მარტო ადგილობრივი ბიუჯეტი ამაზე უნდა იყოს ორიენტირებული და არა მთავრობის ბიზნესში მონაწილეობაზე და უამრავი ფონდების მეშვეობით ბიზნესპროექტების ვითომ წახალისებაზე. რომ არაფერი ვთქვათ რაღაც ახალ სახელმჭიფო ბანკე და მის მიერ მილიონების გადაყრაზე ახალ სახელმჭიფო საწაროთა შესაქმნელად.თუნდაც იგივე ხვნა- თესვაზე, რომელიც გაცილებით ნაკლები დანახარჯებით შეიძლება შესრულებულიყო მასში კერძო სექტორის ჩართვით. საბოლოო ჯამში, კომუნალური პროექტები მოსახლეობის ჯანმრთელობის გაუმჯობესების პროექტებია. არის რა თქმა უნდა მორე, თუნდაც იმიჯის თემაც. ასეთი სანიტარული და ჰიგიენური მდგომარეობით (განსაკუთრებით სოფლად) ჩვენ ვერ მოვიზიდავთ ინვესტიციებს, პირველ რიგში ტურიზმის სფეროში.
გამოცხადდეს მილიონი ტუალეტის პროგრამა ხუთ წელიწადში? სასაცილოა, საჩოთიროა? მერე რა. არც პეტრე პირველის მიერ წვერების გაპარსვა იყო სასიამოვნო და არც ათათურქის სეკულარული რეფორმები. თუ ევროპა გვინდა ევროპულთან მიახლოებული სტანდარტებით უნდა ვიცხოვროთ, თუ არა და, ჩავრჩეთ ევრაზიაში.
