თბილისის განვითარების ფონდიდან ხელფასებად დარიგებული თანხების საქმეზე გიგი უგულავას, დავით ალავიძის, ალექსი თაბუაშვილისა და დავით ავალიანის სასამართლო პროცესი 2 ივნისისთვის გადაიდო.
სხდომის გადადების მიზეზი ადვოკატის შუამდგომლობა გახდა, რომ ის უზენაეს სასამართლოში შეხვედრას უნდა დასწრებოდა და პროცესის გადადება ითხოვა, რაზეც დადებითი პასუხი მიიღო.
შეგახსენებთ, რომ გამოძიება გიგი უგულავას სამსახურებრივი უფლებამოსილების გადამეტებით, ორგანიზებული ჯგუფის მიერ ,,თბილისის განვითარების ფონდიდან" დიდი ოდენობით თანხების გაფლანგვას ედავება.
