,,ნაცმოძრაობის" ერთ-ერთი ლიდერის გიორგი ვაშაძის განცხადებით რუსეთი უკვე მეორედ ცდილობს, საქართველოსა და ევროპას შორის რკინის კედელი აღმართლოს. ამის შესახებ, გიორგი ვაშაძემ სპორტის სასახლეში მიმდინარე პარტიის ყრილობაზე განაცხადა.
,,რუსეთ-უკრაინის დაპირისპირება აჩვენებს, რომ 2008 წელს საქართველოს პოზიცია არა მარტო ღირსეული, არამედ პრაგმატული, რაციონალური იყო და ეს გაიგოს მთელმა მსოფლიომ აუცილებლად. დღეს რუსეთი ცდილობს ახალი რკინის კედელი აღმართლოს ჩვენსა და ევროპას შორის. ჩვენ გვეძლევა მეორედ საშუალება, რომ გავარღვიოთ ეს მოჯადოვებული წრე და გადავცუროთ მდინარის მეორე ნაპირზე, მაგრამ დავსვათ კითხვა რა არის საჭირო ამისთვის როგორც სულხან საბა იტყოდა ხელი გაიქნიე, გახვალ და ნაშველები იქნები. ესაა გასაკეთებელი, ჩვენ უნდა გავიქნიოთ ხელი და ჩვენ უნდა ვიმუშაოთ იმისთვის, რომ ბოლომდე ევროპის ნაწილი გავხდეთ", -განაცხადა ვაშაძემ.
