სახალხო დამცველი უჩა ნანუაშვილი ,,რუსთავი-2"-ში აღმოჩენილ ფარულ ჩანაწერებს ეხმიანება და აცხადებს, რომ მომხდართან დაკავშირებით გამოძიება მაქსიმალურად მოკლე ვადებში გამჭვირვალედ უნდა წარიმართოს.
,,ნებისმიერი უკანონო მიყურადება არის დანაშაული. შესაბამისად გამოძიება მაქსიმალურად მოკლე ვადებში უნდა წარიმართოს და უნდა იყოს აუცილებლად ეფექტური. ქვეყანაში ერთხელ და სამუდამოდ რეალურად უკანონო მიყურადებისთვის ვიღაცა უნდა დაისაჯოს. სამწუხაროა, რომ მიუხედავად მიმდინარე გამოძიებისა აქამდე არ მომხდარა პირების დასჯა სწორედ ამ დანაშაულისთვის", _განაცხადა ნანუაშვილმა.
მისივე თქმით, სახალხო დამცველი ოფისში მომხდართან დაკავშირებით მიმდინარე გამოძიებას დააკვირდება.
,,ჩვენ ასევე დავაკვირდებით თუ რამდენად ობიექტურად და გამჭვირვალედ წარიმართება ეს პროცესი", _განაცხადა ნანუაშვილმა.
