სამაუწყებლო კომპანია "რუსთავი2"-ში გადაღებულ ფარულ ვიდეო მასალასთან დაკავშირებით პრემიერ-მინისტრ ირაკლი ღარიბაშვილის შეფასებას "რუსთავი2"-ის გენ დირექტორი ნიკა გვარამია "უკიდურესად არასერიოზულად მიიჩნევს".
"მე საერთოდ შინაარსი ვერ გამოვიტანე, გარდა იმისა, რომ ეს არის უკიდურესად ზერელე და არასერიოზული კომენტარი, რაშიც კრიტიკულ მომენტებში შემჩნეულია ბატონი ღარიბაშვილი. მან უკვე რამდენჯერმე გააკეთა ასეთი ტიპის კომენტარი, სხვა საკითხებს ვგულისხმობ და არა "რუსთვი 2"-ს. მაგრამ ჩვენთან მიმართებითაც, როდესაც ქვეყანაში არის პრაქტიკულად ერთ-ერთი ყველაზე უფრო მსხვილი მედიასკანდალი ხელისუფლების მონაწილეობით, ასეთი ტიპის კომენტარი, თუნდაც სულ რომ დარწმუნებული იყო, რომ მართლა არაფერ შუაშია ხელისუფლება, ჩემი აზრით არის ღრმად არასერიოზული. რაც მთავარია, ამ კომენტარს რაცონალური შინაარსი საერთოდ არ აქვს", - აცხადებს გვარამია.
