საქართველოს შინაგან საქმეთა სამინისტროს შიდა ქართლის სამხარეო სამართველოს უფროსის ვლადიმერ ჯუღელის განაცხადებით, ცხინვალის ოკუპირებულ ტერიტორიაზე დაკავებულები სავარაუდოდ კოკოითის ოპოზიციის ოჯახის წევრები არიან.
"ოსი სეპარატისტების მიერ საქართველოს მოქალაქეების დაკავებაზე გავრცელებული ინფორმაციის შემდეგ ჩვენმა სამართველოს თანამშრომლებმა რაინში ყველა სოფელი გადავმოწმეთ ხომ არ იყო დაკარგული ან ოკუპირებულ რეგინში ბოლო დროს გადასული. თუმცა მსგავსი ფაქტები ვარ აღმოვაჩინეთ. ასევე, სეპარატისტები და ე.წ. რუსი მესაზღვრეებმა მითხრეს, რომ ყველა დაკავებული ე.წ. სამხრეთ ოსეთის მოქალაქეა", - განაცხადა "ჯი-ეიჩ-ენთან" საუბრისას ვლადიმერ ჯუღელმა.
მისივე თქმით, ე.წ. რუსი მესაზღვრეების მიერ დაკავებული პირები კოკოითის რეჟიმის ადგილობრივი ოპოზიციის ოჯახის წევრები არიან.
"ბოლო დღეებში ე.წ. საზღვრის ე.წ. უკანონო გადაკვეთის ბრალდებით დაკვებები ცხინვალში დაგეგმილ საპროტესტო აქციას საეჭვოდ დაემთხვა. სავარაუდოდ დაკავებულები სწორედ კოკოითის ოპოზიციის ოჯახის წევრები არიან, რომლთა დასაკავებლად სხვა მიზეზი გარდა ე.წ. საზღვრის გადაკვეთა ვერ მოიფიქრეს. ცხინვალის რეჟიმი მსგავსი მეთოდებით ცდილობს ოპოზიციის დაშინებას, რომ აქციების ჩატარებაზე აღარც იფიქრონ", - აღნიშნა ჯუღელმა.
შეგახსენებთ, რომ ბოლო სამი დრის განმავლობაში ცხინვალის ოკუპირებული ტერიტორიიდან ქართული მხარის მიერ კონტროლირებად ტერიტორიაზე გადმოსვლის ბრალდებით 9 ადამიანია დაკავებული, აქედან ერთი მცირეწლოვანი ბავშვია.
