ბრუს უილისმა საკუთარი 55-ე დაბადების დღე ოჯახის წევრებთან აღნიშნა
ჰოლივუდის ვარსკვლავმა ბრუს უილისმა საკუთარი 55-ე დაბადების დღე საკუთარი ოჯახის წევრებთან, ლონდონში აღნიშნა. უცნობია შეასრულა თუ არა დანაპირები მსახიობმა, რომელმაც საკუთარ დაბადების დღის აღნიშვნასთან დაკავშირებით განაცხადა, რომ ოჯახის წევრებს პატარა კონცეტს გაუმართავდა.
ბრუს უილისი 1955 წლის 19 მარტს დაიბადა. იგი ჰლივუდის ერთ-ერთი ყველაზე ძვირად ანაზღაურებადი მსახიობია. ყველზე დიდი აღიარება მსახიობს ფილმებმა "კერკეტი კაკალი", "მეხუთე ელემენტი", "არმაგედონი", "მეექვსე გრძნობა" მოუტანა.
ბოლო წლებში მსახიობი საკულტო რეჟისორთან რობერტ როდრიგესთან თანამშრომლობს. მან რეჟისორის ორ ფილმში _ "ცოდვათა ქალაქი" და "შიშის პლანეტა" მიიღო მონაწილეობა.
იგი კვლავინდებურად აგრძელებს აქტიურ სამსახიობო მოღვაწეობას. მიმდინარე წელს მისი მონაწილეობით ეკრანებზე ოთხი ბოევიკი გამოვა.
