ტელეკომპანია "თრიალეთის" ოფისში სამართალდამცავებმა ასაფეთქებელი მოწყობილობა ვერ აღმოაჩინეს. ამის შესახებ "ჯი-ეიჩ-ენს" შსს შიდა ქართლის სამხარეო სამართველოს უფროსმა ვლადიმერ ჯუღელმა განუცხადა.
ამასთან, ტელეკომპანიის საინფორმაციო სამსახურის უფროსის ლადო ბიჭაშვილის განცხადებით, დაახლოებით ხუთი საათის წინ ტელევიზიის ოფისში უცნობმა მამაკაცმა დარეკა და განაცხადა, რომ თუ შენობაში ასაფეთქებელი მოწყობილობა იყო, რომელიც ხუთ წუთში აფეთქდებოდა.
"ანონიმური ზარის შესახებ სამართალდამცავებს ვაცნობეთ, რომლებიც შენობას რამდენიმე საათის განმავლობაში ჩხრეკდნენ. დაახლოებით ნახევარი საათის შემდეგ ნება დაგვრთეს ტელეკომპანიაში შევსულიყავით. თუმცა ჩვენს კითხვაზე, აღმოჩინეს თუ არა ნაღმი, პასუხის გაცემისგან თავი შეიკავეს. ასევე მაქვს ინფორმაცია, რომ ნომერი, საიდანაც დარეკეს, პოლიციამ უკვე დაადგინა", - განუცხადა "ჯი-ეიჩ-ენს" ბიჭაშვილმა.
მისი ინფორმაციით, ამ წუთებში სამართალდამცავები "თრიალეთის" თანამშრომლებს კითხავენ.
