საპარლამენტო უმცირესობის ლიდერი დავით ბაქრაძე ყოფილი პრემიერ-მინისტრის ზურაბ ჟვანიასა და რაულ უსუპოვის გარდაცვალების ამსახველი ფოტომასალის გავრცელებას ეხმიანება და აცხადებს, რომ ამ თემით პოლიტიკური სპეკულაცია და საზოგადოებრივი აზრის მუდმივი დაზაფვრა აბსოლუტურად მიუღებელია.
,,ეს არის საქმე, რომელიც შეიძლება იყოს უზარმაზარი პოლიტიკური და ადამიანური წყალგამყოფი მთლიანად საზოგადოებისთვის და მათ შორის პირადად ჩემთვისაც. ამიტომ ასეთი ტიპის საქმეებზე პოლიტიკური სპეკულაცია და საზოგადოებრივი აზრის მუდმივი დაზაფვრა არის აბსოლუტურად მიუღებელი", _განაცხადა ბრიუსელში საკითხის კომენტირებისას ბაქრაძემ.
ბაქრაძე პროკურატურას მოუწოდებს უსწრაფესად დაამთავროს ჟვანიას. საქმის გამოძიება.
,,მინდა კატეგორიულად მოუწოდო პროკურატურას კიდევ ერთხელ რაც ადრეც ბევრჯერ მაქვს ნათქვამი, უსწრაფესად დაამთავროს ამ საქმის გამოძიება და უფრო მეტიც მინდა მათ კატეგორიულად მოვუწოდო დღეის მდგომარეობით საჯარო გახადოს ყველა ის მასალა, რომელიც ამ წელიწადნახევრის განმავლობაში პროკურატურამ დამატებითი მტკიცებულებების სახით შეაგროვა, თუ ასეთი არსებობს ", _განაცხადა ბაქრაძემ.