რეფერენდუმი ყირიმში სრულად შეესაბამებოდა საერთაშორისო სამართლის ნორმებს. ამის შესახებ რუსეთის პრეზიდენტმა ვლადიმერ პუტინმა აშშ-ის პრეზიდენტს ბარაკ ობამას სატელეფონო საუბრისას განუცხადა. ინფორმაციას კრემლის პრესსამსახური ამვრცელებს.
ამის მიუხედავად, აშშ არ ცნობს ყირიმში ჩატარებული რეფერენდუმის შედეგებს. ამის შესახებ თეთრი სახლის პრესსპიკერის ჯეი კარნის მიერ გავრცელებულ განცხადებაშია ნათქვამი.
„ეს „რეფერენდუმი" ეწინააღმდეგება უკრაინის კონსტიტუციას და საერთაშორისო თანამეგობრობა არ ცნობს გამოკითხვის შედეგებს, რომელიც ძალადობის, დაშინებისა და რუსეთის სამხედროების ჩარევის შედეგად ჩატარდა და ეწინააღმდეგაბა საერთაშორისო სამართალს", - ნათქვამია განცხადებაში.
მისვე თქმით, არანაირი გადაწყვეტილება უკრაინის მომავალთან დაკავშირებით უკრაინის ხელისუფლების გარეშე არ უნდა იქნას მიღებული.