აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე, მოადგილესთან და ქობულეთის მუნიციპალიტეტის გამგებელთან ერთად დღეს 2008 წლის აგვისტოს ომში დაღუპული ჯარისკაცის თეიმურაზ ბერიძის ოჯახს ეწვია და გარდაცვლილის დედასა და მეუღლეს დედის დღე - 3 მარტი მიულოცა. მათ სამინისტროს პროგრამის „2008 წლის რუსული აგრესიისა და 2012 წელს ავღანეთში დაღუპულთა ოჯახების დახმარება" ფარგლებში 1000-1000 ლარი გადაეცათ. მთავრობის წევრებმა თეიმურაზ ბერიძის შვილებს 9 წლის ქრისტინესა და 11 წლის დათოს ტკბილეული და საბავშვო ლიტერატურა მიუტანეს. ბავშვები ცერებრალური დამბლით არიან დაავადებული, თუმცა ისინი დადიან სკოლაში და ჩართული არიან სპეციალურ სასწავლო პროგრამაში. ბავშვები ასევე სარგებლობენ აჭარის ჯანდაცვის სამინისტროს პროგრამით, რომლიც ფსიქო-რეაბილიტაცის კურის წელიწადში ოთხჯერ უფასოდ დაფინანსებას ითვალისწინებს. ქობულეთის მუნიციპალიტეტის გაგმგებელმა გიორგი რომანაძემ გარდაცვლილი ჯარისკაცის მეუღლეს მანანა ფუტკარაძეს ჩაქვში ახალგახსნილ საბავშვო ბაღში დასაქმება შესთავაზა. აჭარის მთავრობას, დღეს უყურადღებოდ არც სხვა დაღუპული ჯარისკაცების დედები და მეუღლეები დაუტოვებია. 2008 წლის აგვისტოს თვეში განვითარებული საომარი მოქმედებების შედეგად დაღუპულ, აჭარაში მცხოვრებ 16 სამხედრო მოსამსახურის დედასა და მეუღლეს პირად ანგარიშზე 1000-1000 ლარი დაირიცხათ. იგივე ტიპის დახმარება გაეწიათ 2012 წელს ავღანეთში საერთაშორისო სამხედრო ოპერაციის შესრულების დროს დაღუპულ 2 მეომრის ოჯახს. აგვისტოს თვეში კი 18 მეომრის თითოეული ოჯახი დამატებით ერთჯერად მატერიალურ დახმარებას 3000 ლარს მიიღებს.
