საქართველოს პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის განცხადებით საქართველოს ხელისუფლებისთვის ყოვლად მიუღებელია უკრაინის ტერიტორიული მთლიანობისა და სუვერენიტეტის ხელყოფა.
აბაშიძის განცხადებით, უკრაინის ხელისუფლება სწორ ნაბიჯებს დგამს და არ ჰყვება პროვოკაციებს.
,, პრინციპულად და ცალსახად არის ჩამოყალიბებული ჩვენი პოზიცია. ჩვენ ყოვლად მიუღებლად მივიჩნევთ საერთაშორისო სამართლის, უკრაინის ტერიტორიული მთლიანობისა და სუვერენიტეტის ხელყოფას. ჩვენ სოლიდარობას ვუცხადებთ ჩვენ მეგობრებ უკრაინელ ხალხს და მხარს ვუჭერთ მის სურვილს, ააშენოს ჭეშმარიტად დემოკრატიული სახელმწიფო. მოვუწოდებთ საერთაშორისო თანამეგობრობას, რომ სასწრაფოდ მიიღო რაც შეიძლება სწრაფად ქმედითი ზომები, რათა შევაჩეროთ ძალისმიერი ქმედებები. ვფიქრობ, უკრაინის ხელისუფლება სწორ ნაბიჯებს დგამს, რომ არ აჰყვა ამ პროვოკაციებს და იმედი მაქვს, რუსეთი არ მიიღებს გადაწყვეტილებას სრულმასშტაბიანი სამხედრო ძალების გამოყენების შესახებ ამ ქვეყანაში, - განაცხადა ზურაბ აბაშიძემ.
