ადგილობრივი თვითმმართველობისა და რეგიონული პროექტების განსახორციელებლად წელს მხოლოდ 135 მლნ ლარი დაიხარჯება. როგორც საქართველოს მთავრობის № 37 განკარგულებაშია აღნიშნული, 2014 წლის განმავლობაში საქართველოს რეგიონებში განსახორციელებელი პროექტების ფონდიდან არაუმეტეს 135 მლნ ლარი გამოიყოფა.
„საქართველოს სახელმწიფო ბიუჯეტით გათვალისწინებული საქართველოს რეგიონებში განსახორციელებელი პროექტების ფონდიდან დასაფინანსებელი ადგილობრივი თვითმმართველობის და რეგიონული პროექტების შერჩევის პროცედურების და კრიტერიუმების დამტკიცების შესახებ" საქართველოს მთავრობის 2013 წლის 7 თებერვლის № 23 დადგენილების მე-2 მუხლის საფუძველზე, ამავე დადგენილებით გათვალისწინებული პროცედურებისა და კრიტერიუმების შესაბამისად, ადგილობრივი თვითმმართველობებისა და რეგიონული პროექტების განსახორციელებლად, 201 4 წლის განმავლობაში საქართველოს რეგიონებში განსახორციელებელი პროექტების ფონდიდან გამოიყოს არა უმეტეს 135 მლნ ლარი", - ნათქვამია მთავრობის განკარგულებაში, რომელსაც პრემიერ-მინისტრის აწერს ხელს. აღსანიშნავია, რომ საქართველოს რეგიონებში განსახორციელებელი პროექტების ფონდის ბიუჯეტი 2014 წლისთვის 250 მლნ ლარითაა განსაზღვრული.
