კომუნიკაციების ეროვნულ მარეგულირებელ კომისიაში "იმედის გადაცემასთან დაკავშირებით საგანგებო განცხადება გაკეთდება. ტელეკომპანია "იმედის"„ცუდი მომავლის ქორონიკის" „ომის იმიტაციის" გამო, ხვალ 12:00 საათზე კომინიკაციების ეროვნული მარეგულირებელი კომისიის წევრი ირაკლი მოსეშვილი საგანგებო განცხადებას გააკეთებს.
ცუდი მომავლის ქორონიკის" "ომის იმიტაციამ" საზოგადოებაში მკვეთრად უარყოფითი დამოკიდებულება გამოიწვია.
გადაცემამ საქართველოს პრეზიდენტის მიხეილ სააკაშვილის საყვედური დაიმსახურა. პრეზიდენტის პოზიცია საზოგადოებას და გადაცემის მსვლელობისას სტუდიაში მყოფე სტუმრებს პრეზიდენტის პრესპიკერმა მანანა მანჯგალაძემ გააცნო. მანჯგალაძემ აღნიშნა, რომ იგი სტუდიაში პრეზიდენტის დავალებით მივიდა.
მანჯგალაძის თქმით, როდესაც მსგავსი გადაცემა კეთდება, ეთერში მსვლელობისას გამაფრთხილებელი წარწერა იყოს
საქართველოს პრეზიდენტის პრესსპიკერმა ყურადღება გაამახვილა იმ გარემოებაზე, რომ საქართველოს მოსახლეობა ისედაც მძიმე მდგომარეობაშია და დამატებით მათ მიმართ გაუფრთხილებლობა არ შეიძლება.
მანჯგალაძემ გადაცემის ავტორს საზოგადოებისა და ქართველი ჯარისკაცებისთვის ბოდიშის მოხდისკენ მოუწოდა.
იმიტირებულ გადაცემაში აღნიშნული საუბარი იყო, თითქოს ქართული არმიის ნაწილი მტრის მხარეს გადავიდა. "ეს ნაწილი იქნებოდა საკმაოდ შეურაცხმყოფელი იმ ჯარისკაცებისთვის, ვინც საქართველოს ტერიტორიული მთლიანობისთვის იბრძოდა. მათ მიმართ ბოდიში გვექნება მოსახდელი", - განაცხადა მანანა მანჯგალაძემ, რომელიც ამ განცხადებისას კეთებისას საკმაოდ ღელავდა. პრეზიდენტის პრესსპიკერმა დასძინა, რომ გადაცემაში მოყვანილი სიუჟეტი იყო იმიტაცია და მსგავსი საფრთხე საქართველოს არ ემუქრება.
