ჯანდაცვის მინისტრის მოადგილე თამარ ბარკალიას მოთხოვნის საფუძველზე, შრომის უსაფრთხოებასთან დაკავშირებით მომზადებული კანონპროექტის განხილვა გადაიდო. პარლამენტის ჯანდაცვის კომიტეტში ცვლილებებზე მეორე მოსმენით უნდა ემსჯელათ, ბარკალაიას თქმით, სანქციების მექანიზმებზე სწორად შეთანხმება უნდა მოხდეს.
“ერთი კვირა ნამდვილად ერთი კვირა იქნება და მზად ვართ, საკანონმდებლო ვალდებულებები შევასრულოთ”, – განაცხადა ბარკალაიამ.
ბარკალაიას განცხადებას დეპუტატი დიმიტრი ცქიტიშვილი გამოეხმაურა და აღნიშნა, რომ საკითხის გადადებაზე პასუხისმგებლობა აღმასრულებელ ხელისუფლებას ეკისრება, რადგან მათ შეთანხმებული პოზიცია ვერ წარმოადგინეს.
