გუშინ გვიან ღამით, რიკოთის გვირაბთან მომხდარი ავარიის შედეგად გარდაცვლილები ერთი ოჯახის წევრები და მათი ახლო ნათესავები იყვნენ.
ავტომანქანაში, რომელსაც გზის საპირისპირო მხარეს მოძრავი ტრაილერი დაეჯახა, ორი მცირეწლოვანიც იყო.
ავტოსაგზაო შემთხვევის შედეგად 5 ადამიანი, მათ შორის ბავშვები ადგილზევე გარდაიცვალნენ. ერთი კი ხაშურის საავადმყოფოში შეყვანის შემდეგ გარდაიცვალა.
არსებული ინფორმაციით, მსუბუქი ავტომანქანის მძღოლი გადარჩა, ის ხაშურის საავადმყოფოში მსუბუქი დაზიანებებით შეიყვანეს და მალევე გაწერეს.
შინაგან საქმეთა სამინისტროს ცნობით, ტრაილერის მძღოლი დაკავებულია.
უწყების ინფორმაციით, გამოძიება სისხლის სამართლის კოდქსის 276-ე მუხლის მე-7 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
