პირველი შემთხვევა, როდესაც ქართული ფინანსური კომპანია ბიზნეს მოდელს და ინფორმაციულ ტექნოლოგიას ექსპორტზე ევროპაში უშვებს.
„კრედიტპლატფორმა“ არის საქართველოში დაარსებული კომპანია, რომელიც 2016 წლის 17 მაისს გამოჩნდა იპოთეკური სესხების ბაზარზე და თანაბრად სარგებლიანია მსესხებლისა და გამსესხებლის მხარეებისთვის. იდეა გულისხმობს ყველა მსესხებლისა და გამსესხებლის ერთ სირვცეში მოქცევას, სადაც გამსესხებლებლის კონკურენციაში ჩაყენება თითოეული მსესხებლის განაცხადისთვის იძლევა უკეთესი პირობების და დაბალი პროცენტის გარანტიას. ამავდროულად, გამსესხებლები ზოგავენ მარკეტინგისა და ოპერაციების ხარჯებს და მსესხებლებს ირჩევენ თავიანთი რისკების პოლიტიკის შესაბამისად.
„კრედიტპლატფრომას“ ინოვაციურობამ დიდი ყურადღება მიიპყრო, როგორც საქართველოში, ასევე ევროპაში. კომპანიის გახსნიდან 3 თვეში მენეჯმენტს დაუკავშირდა ესტონელი ინვესტორების ჯგუფი, რომლებლებიც „კრედიტპლატფორმით“ იყვნენ დაინტერესებულნი. მათთან მოლაპარაკებები წარმატებით დასრულდა და შესაბამისად „კრედიტპლატფორმა“ არის პირველი ქართული მაღალტექნოლოგიური (HighTec) ფინანსური სერვისი, რომელიც ექსპორტზე ევროპაში გავა.
უკვე ცნობილია, რომ ესტონური სააქციო კომპანია Lendika გამოიყენებს „კრედიტპლატფორმას“ ბიზნეს მოდელს, ინფორმაციულ ტექნოლოგიას და ასევე, „კრედიტპლატფორმა“ ხდება Lendika-ს აქციების მფლობელი გრძელვადიანი ორიენტაციის დადასტურების ნიშნად სტრატეგიული პარტნიორობისთვის.
თავის მხრივ Lendika-ს სურდა შეექმნა პლატფორმა, სადაც შესაძლებელი იქნებოდა ფულის სესხება, ან გასესხება.
მათ მოლაპარაკებები ჰქონდათ Oracle -სა და სხვა ამერიკულ თუ ევროპულ კომპანიებთან პროგრამული უზრუნველყოფისთვის. თუმცა, შემდეგ აღმოაჩინეს, რომ უკვე არსებობდა ასეთი მოდელი, შექმნილი და დანერგილი „კრედიტპლატფორმას“ მიერ, რაც ქართული მაღალტექნოლოგიური სფეროს კონკურენტუნარიანობაზე მეტყველებს მსოფლიოს მასშტაბით. ინვესტორთა ჯგუფი აკვირდებოდა „კრედიტპლატფორამას“ განვითარებას. რამდენიმე თვიანი შესწავლისა და მოლაპარაკებების შემდეგ, მათ აირჩიეს „კრედიტპლატფორმა“ რადგან, ჩვენ შევთავაზეთ თანამედროვე, დახვეწილი ბიზნეს მოდელი, რომელიც მთლიანად მორგებულია მომხმარებელთა მოთხოვნებსა და საჭიროებებს. “კრედიტპლატფორმამ“ შექმნა პრეცედენტი, როგორ შეიძლება პროგრამულმა ან მაღალტექნოლოგიურმა საქმიანობამ საქართველოში შემოსავალი მოიტანოს ევროპიდან, რაც ვიზალიბერალიზაციის ფონზე მაგალითი უნდა მაღალტექნოლოგიურ სფეროში დასაქმებული იმ ადამიანებისთვის, ვინც სხვა ქვეყანაში მიდიან სამუშაოდ, რომ შესაძლებელია დარჩე საქართველოში და აქ მიაღწიო იგივე წარმატებას.
პლატფორმა წარმოადგენს იპოთეკური სესხების მთავარ ბაზარს საქართველოში და მრავალი ექსპერტის აზრით, აქვს პოტენციალი გახადოს უფრო ეფექტური.
მსესხებლები ზოგავენ ფულსა და დროს, ერთი განაცხადით იღებენ ინდივიდუალურად მათზე მორგებულ პირობებს ყველა ფინანსური ინსტიტუციიდან(ბანკები, მიკროსაფინანსო ორგანიზაციები, კერძო გამსესხებლები), ადარებენ შეთავაზებებს და ირჩევენ საუკეთესოს, აკონტროლებენ გადახდებს და ა.შ.
გამსესხებლები ზოგავენ მარკეტინგულ და საოპერაციო ხარჯებს, სხვა გამსესხებლებთან თანაბარ პირობებში მყოფნი ირჩევენ მოთხოვნებს მათი სარისკო პოლიტიკის შესაბამისად, აკონტროლებენ შემოსავლებს, ნებისმიერ დროს იღებენ ინფორმაციას მათი ბიზნესის შესახებ(სტატისტიკას, კოეფიციენტებს, დიაგრამებს) და ა.შ.
ესტონეთი არის პირველი, მაგრამ არა ერთადერთი ქვეყანა, რომელიც დაინტერესდა ქართული კომპანიის ბიზნესმოდელით. ამ ეტაპზე მოლაპარაკებები მიმდინარეობს ბიზნესმენებთან ევროკავშირის სხვადსხვა ქვეყნიდან და დაინტერესებულთა რიცხვი უფრო და უფრო იზრდება.
