საქართველოში აშშ-ის ელჩი კელი დეგნანი პოლიტიკურ და წინასაარჩევნო გარემოზე სასაუბროდ NDI-ის პრეზიდენტს შეხვდა. ინფორმაციას ამის შესახებ აშშ-ის საელჩო ავრცელებს.
"დღეს აშშ-ის ელჩი კელი დეგნანი მიმდინარე პოლიტიკურ და წინასაარჩევნო გარემოზე სასაუბროდ საქართველოში ვიზიტით მყოფ ეროვნული დემოკრატიული ინსტიტუტის (NDI) პრეზიდენტ დერეკ მიტჩელს შეხვდა. NDI, როგორც მიუკერძოებელი ორგანიზაცია, რიგ პარტნიორებთან ერთად მნიშვნელოვან როლს ასრულებს მსოფლიოში დემოკრატიული ინსტიტუტები მხარდასაჭერად.
საქართველოში აშშ-ის მთავრობა სიამაყით თანამშრომლობს NDI-სთან, რათა ხელი შეუწყოს ისეთი დემოკრატიული ინსტიტუტების შენებასა და გაძლიერებას, რომელიც უპასუხებს ქართველი ხალხის საჭიროებებს", - ნათქვამია განცხადებაში.