ბიძინა ივანიშვილს ძალიან დიდი შესაძლებლობები აქვს და ჩვენ სათანადოდ არ გვყავს შესწავლილი - ასე ეხმიანება საქართველოს პარლამენტის წევრი "ქართული ოცნებიდან", ენძელა მაჭავარიანი "თავისუფლების ინსტიტუტის" განცხადებას ივანიშვილის დისერტაციასთან დაკავშირებით.
ენძელა მაჭავარიანის თქმით, ბიძინა ივანიშვილის შესაძლებლობები ბოლომდე "ვერ არის გამომჟღავნებული".
"მე ეჭვი არ მეპარება მის შესაძლებლობებში და პირიქით მგონია, რომ ვერ არის გამომჟღავნებული ისე რა შესაძლებლობებიც მას აქვს და ამიტომ მიმაჩნია, რომ თუ აინტერსებთ, ეს ექსპერტებმა უნდა შეისწავლონ.
აზრით, მე მიმაჩნია, რომ ბიძინა ივანიშვილს ძალიან დიდი შესაძლებლობები აქვს და ჩვენ სათანადოდ არ გვყავს შესწავლილი", - თქვა ენძელა მაჭავარიანმა.
შეგახსენებთ, "თავისუფლების ინსტიტუტმა" ბიძინა ივანიშვილისთვის სამეცნიერო ხარისხის ჩამორთმევა მოითხოვა.