შეერთებული შტატების პრეზიდენტის დონალდ ტრამპის განცხადებით, მას სურს, იხილოს ძლიერი ირანი და მის ინტერესებში ირანის რეჟიმის ცვლილება არ შედის. აღნიშნულის შესახებ ტრამპმა ბიარიცში, დიდი შვიდეულის სამიტის ფარგლებში ჟურნალისტებთან საუბრისას განაცხადა. ინფორმაციას Reuters-ი ავრცელებს.
შტატების პრეზიდენტმა დასძინა, რომ ირანელი რიგითი მოქალაქეებიც ცხოვრების წესი მიუღებელია.
"მე მსურს რეალურად ძლიერი ირანის ხილვა, მე არ ვისწრაფვი ირანში რეჟიმის ცვლილებისაკენ. თქვენ ხედავთ თუ როგორ მუშაობს ის ბოლო 20 წელია, თუმცა არც თუ ისე კარგად", - თქვა ტრამპმა.
ტრამპის განცხადებით, მისთვის არ იყო მოულოდნელი ემანუელ მაკრონს გადაწყვეტილება, ბიარიცში ირანის საგარეო საქმეთა მინისტრის მოწვევასთან დაკავშირებით. თუმცა დასძინა, რომ მას ჯერჯერობით მსგავსი შეხვედრები ირანის მთავარ დიპლომატთან ნაადრევია.
"ვიცოდი, რომ საგარეო საქმეთა მინისტრი ბიარიცს უნდა წვეოდა და მე ამ ფაქტს პატივისცემით ვეკიდები", - უთხრა ტრაპმა ჟურნალისტებს.
შეგახსენებთ, გუშინ, 25 აგვისტოს ირანის საგარეო საქმეთა მინისტრი მოჰამედ ჯავად ზარიფი ბიარიცს ეწვია, სადაც დიდი შვიდეულის სამიტი მიმდინარეობდა.