საქართველოს მთავრობა რუსეთიდან სატრანზიტო ფრენებს 600 ათას ევრომდე დააფინანსებს. წერია საქართველოს მთავრობის დადგენილებაში, რომელიც 24 ივლისით არის დათარიღებული.
პრიორიტეტულ სატრაზნიტო მიმართულებად ითვლება: რუსეთის ფედერაცია - ერევანი-ბათუმი-ერევანი-რუსეთის ფედერაცია და რუსეთის ფედერაცია - ერევანი-თბილისი-ერევანი-რუსეთის ფედერაციის მიმართულებები.
ავიაკომპანიამ უნდა უზრუნველყოს წლის განმავლობაში უწყვეტად, კვირაში სულ მცირე ორი სიხშირით ფრენის შესრულება თითოეულ პრიორიტეტულ სატრანზიტო მიმართულებაზე.
ამ ეტაპზე რუსეთიდან ერევნის გავლით სატრანზიტო ფრენებს მხოლოდ „ჯორჯიან ეარვეისი“, სომხეთში პარტნიორი ავიაკომპანიის ხელშეწყობით ახორციელებს.
8 ივლისიდან რუსეთის პრეზიდენტის, ვლადიმერ პუტინის ბრძანებით, რუსულ ავიაკომპანიებს საქართველოში მოქალაქეების გადაყვანა აეკრძალათ. რუსული ავიაკომპანიები საქართველოს მიმართულებით ფრენების აკრძალვის გამო 3 მილიარდი რუბლის (47 266 00 დოლარი) ზარალს ელოდებიან.