იმედგაცრუებული ვარ ევროსაბჭოს საპარლამენტო ასამბლეაში რუსეთის დელეგაციისთვის ხმის მიცემის უფლების აღდგენის გამო, - ამის შესახებ უკრაინის პრეზიდენტმა ვოლოდიმირ ზელენსკიმ ფეისბუკში დაწერა.
"იმედგაცრუებული ვარ ევროსაბჭოს საპარლამენტო ასამბლეაში რუსეთის დელეგაციისთვის ხმის მიცემის უფლების აღდგენის გამო. გასულ კვირას, აღნიშნულთან დაკავშირებით ვესაუბრე საფრანგეთისა პრეზიდენტსა და გერმანიის კანცლერს
შევეცადე დამერწმუნებინა ბატონი მაკრონი და ქალბატონი მერკელი, რომ რუსეთის დელეგაციას ასამბლეაში დაბრუნების შესაძლებლობა მხოლოდ მას შემდე დაბრუნებოდა, რაც რუსეთის ფედერაცია სრულად გაიზიარებდა ევროსაბჭოს საპარლამენტო ასამბლეის პრინციპიებს.
სამწუხაროა, რომ ჩვენს ევროპელ პარტნიორებს არ ესმით ჩვენი და სხვაგვარად მოიქცნენ.
მადლობელი ვარ უკრაინის დელეგაციისა, ასევე მეგობარი ქვეყნების დელეგაციებს, რომლებიც ბოლომდე მამაცურად იბრძოდნენ", - წერს ზელენსკი.
შეგახსენებთ, ევროსაბჭოს საპარლამენტო ასამბლეამ რუსეთის დელეგაცია ივნისის სესიაში მონაწილეობისთვის მიიწვია. შესაბამისი რეზოლუცია ასამბლეამ ცხრასაათიანი განხილვის შემდეგ მიიღო.
პარლამენტარებმა რეგლამენტში ცვლილება შეიტანეს, რომელიც რუსეთს შესაძლებლობას აძლევს ორგანიზაციაში დაბრუნდეს.
"წევრების ხმის მიცემის, ასამბლეაში გამოსვლისა და წარმომადგენელბის ყოლი უფლება მის ორგანოებში არ შეჩერდება და არ ანულირდება“, - ნათქვამია დოკუმენტის ტექსტში.
საქართველოს, უკრაინისა და ბრიტანეთის დელეგაციებმა რეზოლუციაში 222 შესწორება შეიტანეს, თუმცა ევროსაბჭოს საპარლამენტო ასამბლეამ მხოლოდ ერთი მიიღო.
