რუსი დეპუტატები საქართველოს პარლამენტში მივიდნენ.
ფოტოზე სერგეი გავრილოვი საქართველოს პარლამენტის თავმჯდომარის სავარძელში ზის, საიდანაც ის მართლმადიდებლობის საპარლამენტთაშორისო 26-ე ასამბლეის სესიას გახსნის და სხდომას გაუძღვება.
ასამბლეას ოპოზიცია ბოიკოტს უცხადებს.
საზოგადოების მხრიდან რუსი დეპუტატების ვიზიტს საქართველოში პროტესტი მოჰყვა. გუშინ, ავლაბრის საპრეზიდენტო სასახლეში აქტივისტებმა რუს დეპუტატებს სირცხვილის დერეფანი მოუწყვეს.
გუშინ, უკრაინის ელჩმა ავლაბრის სასახლე, სადაც რუსი დეპუტატი სიტყვით გამოდიოდა, პროტესტის ნიშნად დატოვა. როგორც იგორ დოლგოვმა განაცხადა, მისთვის მიუღებელია ასამბლეაში რუს დეპუტატებთან ერთად მონაწილეობა.
სერგეი გავრილოვი რუსეთის კომუნისტურ პარტიას წარმოადგენს. გავრილოვი აფხაზეთში იმყოფებოდა აფხაზეთის ომის მიმდინარეობის დროს და ომში საქართველოს წინააღმდეგ მონაწილეობდა.
