აჭარის მთავრობის თავმჯდომარის თორნიკე რიჟვაძის განცხადებით, აჭარის განათლების მინისტრი ინგა შამილშვილი თანამდებობიდან გადააყენეს. მისი განმარტებით, გადაწყვეტილება საქართველოს დამოუკიდებლობის დღის აღსანიშნავ ღონისძიებაზე, მსვლელობის დროს, რუსული დროშის გამოჩენას უკავშირდება.
"ეს არის ჩემთვის სამწუხარო ფაქტი, პასუხისმგებლობის ნაწილს რაც შეეხება, ორგანიზატორი ამ შემთხვევაში განათლების სამინისტრო იყო, შესაბამისად თანამდებობიდან გათავისუფლებულია განათლების მინისტრი ინგა შამილიშვილი,"- განაცხადა თორნიკე რიჟვაძემ აჭარის მაუწყებელთან.
ინგა შამილშვილმა თქვა, რომ ეს არის ბავშვთა ფესტივალი და „რუსული დროშა ნამდვილად არ ფრიალებს“. „ეს არის ბავშვთა ფესტივალი, რომელიც არის ტრადიციული და რომელიც მე მგონი, სცდება ყოველგვარ პოლიტიკას.
საქართველოს დამოუკიდებლობის დღის აღსანიშნავი ღონისძიების პარალელურად, ბათუმის ცენტრალურ ქუჩაზე რუსული სიმბოლიკა გამოჩნდა. მსვლელობა როსტოვიდან ჩამოსულმა ანსამბლმა გამართა, რომელიც ბათუმში სხვა ანსამბლებთან ერთად, ფესტივალის ფარგლებში იმყოფებიან. ფესტივალი, რომელშიც როსტოვის ანსამბლი მონაწილეობს, აჭარის განათლების სამინისტროს მიერ არის ორგანიზებული.