პარლამენტის წინ ახალგაზრდების საინიციატივო ჯგუფი „მაყურებლები“ აქცია-პერფორმანსი გამართეს. აქციაზე შს მინისტრის გიორგი გახარიას ბიუსტი მიიტანეს. ბიუსტს გახარიას თანამდებობები აწერია - საქართველოს შინაგან საქმეთა მინისტრი, ეროვნული უსაფრთხოების საბჭოს მდივანი და ვიცე პრემიერი გ.გახარია
მასზე განთავსებულია სპეციალური ღილაკი, თითის დაჭერისას კი ისმის გიორგი გახარიას სიტყვები „მოდით დავიწყოთ ბოდიშით... ბოდიში“. აქციის მონაწილეებმა ერთი წლის წინ კლუბ „ბასიანის“ ირგვლივ განვითარებულ მოვლენები გაიხსენეს.
მათი თქმით, დაპირებები, რომელიც მათ გიორგი გახარიასგან მიიღეს, დღემდე შეუსრულებელია. მაგალითად ნარკოპოლიტიკა, რომელიც ძალოვანი უწყებების მხრიდან ისევ რჩება რეპრესიის იარაღად.
გიორგი გახარიას ბიუსტი პარლამენტის წინ სამშაბათამდე დარჩება.
შინაგან საქმეთა მინისტრმა ბოდიში 2018 წლის 13 მაისს მოიხადა, მას შემდეგ, რაც კლუბ ბასიანში შეჭრას მასობრივი აქციები მოჰყვა. სწორედ მინისტრის ბოდიშის მოხდის შემდეგ მიიღო "თეთრი ხმაურის მოძრაობამ" ორდღიანი აქციის დაშლის გადაწყვეტილება. რუსთაველის გამზირზე "თეთრი ხმაურის" მოძრაოიბამ საპროტესტო აქცია 2018 წლის 11 მაისს, კლუბ ბასიანსა და გალერიში ცატარებული სპეცოპერაციის შემდეგ დაიწყო. შსს-ის ინფორმაციით, სპეცოპერაციისას დააკავეს 8 ნარკორეალიზატორი.
