ეკონომიკის ყოფილი მინისტრი გიორგი ქობულია ტელეკომპანია „რუსთავი 2“-თან აცხადებს, რომ ის თავისი ნებით არ წასულა, რადგან წასვლის შესახებ მას განცხადება არ დაუწერია.
„ჩემი ნებით რომ წავსულიყავი, განცხადებას დავწერდი. რადგან განცხადება არ დამიწერია, უფრო ითვლება რომ გადამაყენეს“, - განაცხადა ქობულიამ.
ქობულია ამბობს, რომ მას სთხოვდნენ განცხადება დაეწერა, თუმცა მან ეს არ გააკეთა და ცდილობდა დაერწმუნებინა საქართველოს მთავრობის ხელმძღვანელობა და მმართველი პოლიტიკური ძალის ხელმძღვანელობა რომ მისი ხედვები იყო სწორი.
ქობულია არ აკონკრეტებს ვინ გაათავისუფლა თანამდებობიდან, მამუკა ბახტაძემ თუ ბიძინა ივანიშვილმა.
„სამწუხაროდ, მე ამას ვერ დავაკონკრეტებ. რა თქმა უნდა, არ ვაპირებდი ხელისუფლების დატოვებას ასე სწრაფად. სხვათა შორის, ის რომ მე გადამაყენეს და არ გადავდექი იყო ზუსტად შედეგი იმის, რომ მე ბოლომდე ვცდილობდი რომ მმართველი გუნდი დამერმწუნებინა. მე ზუსტად არ ვწერდი განცხადებას, იმიტომ რომ მე მიმჩნდა რომ ჩემი აზრები იყო სწორი, ჩემი ხედვა იყო სწორი და ამ ხედვაში ბოლომდე ვცდილობდი დამერწმუნებიბნა საქართველოს მთავრობის ხელმძღვანელობა და მმართველი პოლიტიკუტი ძალის ხელმძღვანელობაც, აგრეთვე. მაგრამ როგორც ხედავთ, ვერ შევძელი“, - განაცხადა ქობულიამ.
