საპარლამენტო უმრავლესობის წევრის, ლევან კობერიძის განცხადებით, სალომე ზურაბიშვილის საარჩევნო ბილბორდებზე "ქართული ოცნების" ლიდერების გამოსახვა კარგი ნაბიჯია მეტი ხმების მოსაპოვებლად.
მისი თქმით, პოლიტექნოლოგიის თვალსაზრისით არათუ მისაღებია, არამედ ამ ხერხის გამოყენება მას ძალიან მოსწონს და ის დარწმუნებულია, რომ ეს ხმების რაოდენობაში პოზიტიურად აისახება.
„ეს ყველაფერი მეორე ტურის დროს ბილბორდებზე აისახა. არ მგონია, რომ რაიმე კითხვის ნიშანი უნდა ჩნდებოდეს, მით უფრო ისეთ დროს, როცა სალომე ზურაბიშვილს "ქართული ოცნების" ოფიციალური მხარდაჭერა აქვს. ეს კარგი ნაბიჯია მეტი ხმების მოსაპოვებლად“, - თქვა კობერიძემ.
ცნობისთვის, სალომე ზურაბიშვილის საარჩევნო ბანერებზე ბიძინა ივანიშვილი და ირაკლი კობახიძე დღეს გამოჩნდნენ.