იტალიის პარლამენტი, დაახლოებით, ერთ თვეში საქართველო-ევროკავშირს შორის ასოცირების ხელშეკრულების რატიფიცირებას მოხდეს, - ამის შესახებ, ჟურნალისტებთან ,,ამბასადორიალზე” საქართველოს ელჩმა იტალიაში კახა სიხარულიძემ განაცხადა.
მისივე თქმით, იტალიის მთავრობამ პარლამენტში სარატიფიკაციო დოკუმენტი უკვე გადააგზავნა.
,,იტალიის მთავრობამ პარლამენტში გადააგზავნა უკვე სარატიფიკაციო დოკუმენტი და ძალიან მალე მოხდება რატიფიკაცია. ასე რომ, არავითარი პრობლემა არ არის”, _განაცხადა ელჩმა.
შეგახსენებთ, რომ საქართველო-ევროკაშირის ასოცირების ხელშეკრულების რატიფიცირება ევროკავშირის 28 წევრმა სახელმწიფომ უნდა მოახდინოს.ამ ეტაპზე რატიფიცირება 24 სახელმწიფომ უკვე მოახდინა.
საქართველომ ევროკავშირთან ასოცირების ხელშეკრულებას ხელი 27 ივნისს მოაწერა. ხელშეკრულებას ევროკავშირის მხრიდან ხელი ევროკომისიის პრეზიდენტმა ჟოზე მანუელ ბაროზომ და ევროკავშირის საბჭოს პრეზიდენტმა ჰერმან ვან რომპეიმ მოაწერეს.ხოლო საქართველოს მხრიდან კი პრემიერ-მინისტრმა ირაკლი ღარიბაშვილმა.
საქართველოსა და ევროკავშირს შორის მოლაპარაკებები ასოცირების შესახებ შეთანხმებაზე ოფიციალურად დაიწყო 2010 წლის ივლისში (ხოლო ღრმა და ყოვლისმომცველი თავისუფალი სავაჭრო სივრცის კომპონენტზე- 2011 წლის დეკემბერში).
მოლაპარაკებების პროცესში გაიმართა 14 პლენარული სესია შეთანხმების პოლიტიკურ ნაწილზე, 6 რაუნდი - ღრმა და ყოვლისმომცველ თავისუფალ სავაჭრო სივრცეზე და 100-მდე ვიდეო-კონფერენცია დარგობრივი თანამშრომლობის თავებსა და DC FTA-ზე. მოლაპარაკებები დასრულდა 2013 წლის ივლისში. ასოცირების შესახებ შეთანხმება 1000-მდე გვერდს მოიცავს და ითვალისწინებს საქართველოს კანონმდებლობის დაახლოებას ევროკავშირის 300-მდე სამართლებრივ აქტთან.
