პარტია "ევროპული საქართველოს" ოფისთან საპროტესტო აქცია დასრულდა. აქციის მონაწილეები "ევროპული საქართველოს" წევრის, ელენე ხოშტარიას მიერ საქართველოს პარლამენტში საბჭოთა კავშირის ჰიმნის აჟღერებას აპროტესტებდნენ და ელენე ხოშტარიასაგან bოდიშის მოხდასა და დეპუტატის მანდატის დატოვებას ითხოვდნენ.
აქციის მონაწილეები აცხადებენ, რომ არც ერთი პარტიის აქტივისტები არ არიან.
ადგილზე მივიდნენ ელენე ხოშტარიას მხარდამჭერებიც, მათ შორის, მალხაზ მაჩალიკაშვილიც, რომლის თქმით, აქციის მონაწილეების პროტესტი არ არის გულწრფელი და არავის მისცემს უფლებას, ელენე ხოშტარიას, თინა ბოკუჩავასა და ხატია დეკანოიძეს შეურაცხყოფა მიაყენონ.
საპროტესტო აქციის მონაწილეებსა და ელენე ხოშტარიას მხარდამჭერებს შორის რამდენჯერმე შელაპარაკებაც მოხდა. ადგილზე მობილიზებულები იყვნენ სამართალდამცველები.
