18-19 ნოემბერს საქართველოს ტექნიკური უნივერსიტეტის ე. წ. შეხვედრების ოთახში ჩატარდება ევროკომისიის ექსპერტების შეხვედრა უნივერსიტეტის იმ მეცნიერებთან, რომლებიც ამზადებენ საპროექტო წინადადებებს ევროკომისიის მე-7 ჩარჩო პროგრამის მომავალ კონკურსებში.
მოწვეულნი არიან ევროკომისიის მიერ დაფინანსებული EXთEND პროექტის კოორდინატორები, უკრაინაში ევროკომისიის საინფორმაციო საკონტაქტო პირი და კიევის პოლიტექნიკური უნივერსიტეტის წარმომადგენლები.
შეხვედრის მიზანია ევროპელი ექსპერტების გამოცდილების გამოყენება, კონტაქტების დამყარება და ქართველი მეცნიერების დახმარება პარტნიორების მოძიებაში, პროექტების მომზადებაში, მათ წარდგენაში.
სემინარის დროს სტუმრები წარმოადგენენ ინფორმაციული ხასიათის პრეზენტაციებს. დაგეგმილია ქართველ მეცნიერთა მოხსენებები საპროექტო წინადადებების ფარგლებში.
