ზოგადად ქვეყანაში არის სერიოზული პოლიტიკური კრიზისია და ამის ერთადერთი გამოსავალი არის მხოლოდ ვადამდელი არჩევნები, - ამის შესახებ საპარლამენტო უმრავლესობის ყოფილმა წევრმა დავით ჭიჭინაძემ გუშინ გავრცელებულ ჩანაწერებთან დაკავშირებით განაცხადა.
მისი თქმით, ის შეურაცხყოფილია და ამას ნებისმიერი დეპუტატი უნდა აცნობიერებდეს, რომ ამდენი წლის მანძილზე ზურგს უკან ასეთი საშინელებები ხდებოდა.
„ვფიქრობ, სახუმარო აქ არაფერია. შემაშფოთებელია და იქიდან გამომდინარე, რომ „ქართული ოცნების“ ხელმძღვანელობას არ აქვს ადეკვატური პასუხები მე ვფიქრობ, რომ მათ თავიანთი ფუნქცია ამოწურეს და ზოგადად ქვეყანაში არის სერიოზული პოლიტიკური კრიზის და ამის ერთადერთი გამოსავალი არის მხოლოდ ვადამდელი არჩევნები“, - განაცხადა ჭიჭინაძემ.
