"ჩვენ ვაგრძელებთ მტკიცე მხარდაჭერას საქართველოს ტერიტორიული მთლიანობისა და სუვერენიტეტის მიმართ",- განაცხადა აშშ-ის სახელმწიფო მდივნის თანაშემწის მოადგილემ ბრიჯიტ ბრინკმა. მან პარლამენტის თავმჯდომარე ირაკლი კობახიძესთან შეხვედრის მერე განაცხადა, რომ აშშ მხარს უჭერს საქართველოს და პრემიერ-მინისტრის ამერიკაში სტუმრობის შემდეგ ორი ქვეყნის ურთიერთობა უფრო გაღრმავდა.
"გვინდა, გამოვხატოთ მხარდაჭერა და მოწონება საქართველოს მიმართ, რადგან ის აკეთებს საერთაშორისო უსაფრთხოებისთვის მსოფლიოში და განსაკუთრებით, ავღანეთის მისიაში. ჩვენ ვაგრძელებთ მტკიცე მხარდაჭერას საქართველოს ტერიტორიული მთლიანობისა და სუვერენიტეტის მიმართ და ასევე საქართველოს მისწრაფებას გახდეს ევროატლანტიკური გაერთიანებების წევრი"-აცხადებს ბრინკი.