საქართველოს ფინანსთა სამინისტროს აკადემიაში, ფინანსთა სამინისტროსა და ევროპის საბჭოს ორგანიზებით, ფულის გათეთრებისა და ტერორიზმის დაფინანსების ეროვნული რისკების შეფასების საკითხებზე ორდღიანი სამუშაო შეხვედრა გაიმართა.
შეხვედრაზე ევროპის საბჭოს კონსულტანტმა, ჯუზეპე ლომბარდომ სხვადასხვა სახელმწიფო უწყების წარმომადგენლებს გააცნო ფულის გათეთრებისა და ტერორიზმის დაფინანსების ეროვნული რისკების შეფასების მიმართულებით არსებული საერთაშორისო გამოცდილება.
სამუშაო შეხვედრაში მონაწილეობა მიიღეს ფინანსთა, იუსტიციის, შინაგან საქმეთა სამინისტროების წარმომადგენლებმა, ასევე ეროვნული ბანკის, დაზღვევის სახელმწიფო ზედამხედველობის, ფინანსური მონიტორინგის, ნოტარიუსთა პალატის, ადვოკატთა ასოციაციის, უსაფრთხოებისა და კრიზისების მართვის სამსახურის თანამშრომლებმა.
