უნგრეთის ოპოზიციური პარტია, „ტისას“ ლიდერი, პეტერ მაგიარი აცხადებს, რომ მოახლოებული საპარლამენტო არჩევნები, რომელშიც ის პრემიერ-მინისტრ ვიქტორ ორბანის პოლიტიკურ ძალას დაუპირისპირდება, „რეფერენდუმი“ იქნება იმის შესახებ, გააგრძელებს თუ არა უნგრეთი აღმოსავლეთის ავტოკრატიისკენ სწრაფვას, თუ დაიბრუნებს თავის ადგილს ევროპის დემოკრატიულ საზოგადოებებს შორის.
ამის შესახებ მან Associated Press-თან ინტერვიუში ისაუბრა.
როგორც მაგიარმა აღნიშნა, ორბანმა ბოლო წლებში ქვეყანა „180 გრადუსით შეაბრუნა“ და საფრთხე შეუქმნა მის დასავლურ ორიენტაციას.
თუმცა, ამ ცვლილების მიუხედავად, „უნგრელები კვლავაც მიიჩნევენ, რომ უნგრეთის მშვიდობა და განვითარება გარანტირებულია ევროკავშირსა და ნატო-ში წევრობით“, - თქვა მან.
„ვფიქრობ, ეს ნამდვილად იქნება რეფერენდუმი ჩვენი ქვეყნის მსოფლიოში ადგილის შესახებ“, - განაცხადა ოპოზიციი ს ლიდერმა.
მაგიარის თქმით, მისიპოლიტიკური ძალა 12 აპრილის არჩევნებში დამაჯერებელ გამარჯვებას მოიპოვებს.
„ფიდესის“ ამომრჩევლებსაც კი არ სურთ, რომ ჩვენი ქვეყანა, ევროპული ოჯახის ნაცვლად, რუსეთის მარიონეტული სახელმწიფო, კოლონია იყოს“ - განაცხადა მაგიარმა.
