თბილისი საკრებულოს ყოფილი ხელმძღვანელი ირაკლი შიხიაშვილი ვეტერანთა საქმეების სახელმწიფო სამსახურის უფროსად დაინიშნა. როგორც შიხიაშვილმა ვეტერანთა საქმეების სახელმწიფო სამსახურში გამართულ პრესკონფერენციაზე განაცხადა იგი ვეტერანთა პრობლემებს კარგად იცნობს და მზად არის მიიღოს აღნიშნული გამოწვევა.

,,მართლაც ძალიან დიდი პატივია ის ნდობა, რომელიც გამომიცხადა პრემიერმა და მისმა გუნდმა. Mმე კარგად ვიცნობ ვეტერანთა პრობლემებს, თვითონ ვეტერანი გახლავართ. ძალიან ბევრი ვეტერანი მეგობარი მყავს და კარგად ვიცი რა მდგომარეობაში არაიან და რა სირთულეები არსებობს დღეს მათთვის", _განაცხადა შიხიაშვილმა.

შეგახსენებთ, რომ ირაკლი შიხიაშვილი დაიბადა 1972 წლის 9 აპრილს;1989 წელს დაამთავრა ქ. თბილისის 106 საშუალო სკოლა;1996 წელს დაამთავრა თბილისის ივ. ჯავახიშვილის სახ. სახელმწიფო უნივერსიტეტის მანქანათმშენებლობის მართვის და ეკონომიკის ფაკულტეტი, ინჟინერ-ეკონომისტის კვალიფიკაციით;ჰყავს მეუღლე და სამი შვილი.1992-1993 წლებში იყო შინაგან საქმეთა სამინისტროს სპეც-დანიშნულების დივერსიული ასეულის მეთაური (მონაწილეობას ღებულობდა საქართველოს ტერიტორიული მთლიანობისთვის წარმოებულ საომარ მოქმედებებში აფხაზეთსა და სამაჩაბლოში)1999 წლის საპარლამენტო არჩევნებში კენჭი იყარა სამგორის რაიონის მაჟორიტრ დეპუტატად („მრეწველობა გადაარჩენს საქართევლოს")2003 წლის საპარლამენტო არჩევნებში სამგორის რაიონის მაჟორიტად დეპუტატად იყარა კენჭი (ბლოკი ახალი მიმარჯვენეები")2004 წლის დეკემბრიდან 2008 წლის სექტემბრამდე მუშაობდა ისანი - სამგორის რაიონის გამგებლის მოადგილედ 2008 წლის ნოემბრიდან 2010 წლამდე მუშაობდა თბილისის მერიის სამობილიზაციო - საიდუმლო სამსახურის უფროსის მოადგილედ 2010 წლის მაისიდან არის თბილისის საკრებულოს წევრი, სამგორის რაიონის მაჟორიტარი დეპუტატი 2012 წლის 11 ოქტომბრიდან ფრაქცია „თავისუფლება"-ს ასევე თბილისის საკრებულოს თავმჯდომარე.